بو دحدح
مراقب
المساهمات : 13
تاريخ التسجيل : 12/12/2007
 |  موضوع: قصيده في عتيبه الهيلا من الحبابي  الأربعاء ديسمبر 12, 2007 11:40 am | |
| هذه احد مشاركات الشاعر المعروف مضواح ابن شتوي الحبابي القحطاني التي القها في مزاين وملتقى عتيبة الهيلا وفي الاقلام المسمومه
التي تكتب ضد المزاينات وتكتب ضدا اصحابها اللي على الفطره واهل ولاء واخلاص
لقيادتنا الحكيمة حفظها الله .
*****************
سلامي على العتبان ومزايـن العتبـان
سلامي على اللي صيتهم واضـح دوره
قبيله لها بين القبايـل مكـان وشـان
على العز والناموس والطيب مشهـوره
هل السيف واهل الرمح والخيل والميدان
واهل خوةٍ من سابق الوقـت مذكـورة
واهل فزعةٍ لبان وقـت اللـزوم وحـان
واهل ديرةٍ على العز والساس معمـوره
وأهل كرمةٍ يشبع بها التايـه الجيعـان
ويشبع بها سرحـان والبـر وانسـوره
رجال مواقفها علـى الثبـت والبرهـان
فعايال عتيبـة مجدهـا ساطـع نـوره
وانا . لوّ . باعد ابطالهم كلهم فرسـان
مشايخ مع فرسان شجعـان وا نمـوره
على رأس شيخ شاع صيته مع العربان
مسجل له التاريخ في عهـده أحضـوره
خذينا معاهم سجـةٍ فـي زمـان كـان
وكلن على صيد الفـلا يسبـر صقـوره
عتيبه عتيبه ياهـل المـدح ياالظفـران
طحاطيح روس و فخرها عالـيٍ سـوره
اقوله نيابه عن شموخ العرب قحطـان
بني عمي اللي فعلهم فخـر. واسطـوره
تراحيبنـا وفعولنـا للعـرب عـنـوان
رقينا سنام المجد . وآعـز . مقصـوره
زمان مضى يوم الفشق محزمه مليـان
نحتنا الفخر والنصر في نجد واصخوره
ويشهد لنا فعل ابن هادي وابن هـدلان
ويشهد لنا تاريـخ الامجـاد وعصـوره
وياعتيبة الهيلا هـل الملتقـى الرنـان
مواقيفكم يشهـد لهـا البـر وابحـوره
سعيتوا على العليا مشايخ مع الاعيـان
على الطيب والاعلام خضراء ومنشـوره
علـى طاعـة الله واحـد رازقٍ رحمـن
عظيم الجلال اللي له النـاس مامـوره
وعلى سنة الهادي محمد وعل آلقـران
وبنيتوا مزاينكـم و وقويتـوا جسـوره
وطاعة ولي الامر في الراي والحسبـان
واظفتوا على حب الوطن بهجة اسروره
ولافي المزاين غير جمعا ورفعت شـان
على الطيب والاحوال يسره وميسـوره
وهـذا وكـل مزايـن يعتبـر مـيـزان
مرسّم على وضح النقاء ما اختلف شوره
ولايكتب الهرج المّزور سـوا الضيعـان
هل السم في الاقلام وعقـول مسحـوره
هل العلمنه والملحد ة زمـرة الشيطـان
يقولون قول يخلـف الرجـل وشعـوره
تذم المزاين واتتطـأول علـى البـدوان
تصفّق مـع الفنـان وتمجّـد الكـوره
تهّمش على عادتنا اللـي مـن الجـدان
لوّ انها تعـذر عـذر ماهـي بمعـذوره
سواليفهم وهروجهـم تزعـل الفهمـان
تشب الفتن كنها على الكـذب مجبـوره
وحنا قبايل نصـرة . الديـن والايمـان
على فطرة الاسلام من منبـع ظهـوره
و نزهى عقيدتنـا ولا نقبـل الخـذلان
على منهج الله حسب شرعة ودستـوره
ولانعرف اهل الكذب والـزور والبهتـان
عسى اللي يدّور للـردى ينفجـر زوره
ولاعندنا غير الولاء. شايـب. وشبّـان
ومن فضل ربي كل الاحـوال مستـوره
يعيش الملك وتعيش ياخيـرة الاوطـان
عسانا فداك وزمـرة الشـرك مقهـوره
نحب الوطن ونذود عنـه ولّـو ننهـان
ولاّعندنا ضده . تحـزّب . ولا. ثـوره
ولا ّنا لا بو متعب تزايـد بـلا نقصـان
مليك فرض حبـه لشعبـه وجمهـوره
مليك جرى حبه مع الدم فـي الشريـان
على غيبته نشفـق وننصـاه ونـزوره
كريم السجايا العاهـل القايـد الربـان
مزايـاه معدومـه وفضـلاه مشكـوره
حبيب العرب صقر العرب قايد الشجعان
عسانا فدا له من عنا الوقت وشـروره
ويسلم لنا طير السعد سيـدي سلطـان
ولي العهـد ياتـاج شعبـه ومنظـوره
نعيش برغد ونعيش في نعمـةٍ وامـان
تحت هيبة اللي في التواريخ منصـوره
سعاطير نجد اللي حمت ماورى الحـدان
ملوك الجزير وأهل الاضغـان مدحـوره
تحت راية ابن سعود صرنا مثل الاخوان
كيان بناهـا القايـد الفـذ اخـو نـوره
وختم الكلام المجد في ملتقـى العتبـان
لقيناه يالعتبان. بالصـوت. والصـوره
مضواح بن شتوي الحبابـي القحطانـي منقول | |
|
السكب
المدير العام
المساهمات : 54
تاريخ التسجيل : 12/12/2007
| | موضوع: رد: قصيده في عتيبه الهيلا من الحبابي الأربعاء ديسمبر 12, 2007 11:49 am | |
| | |
|
الصياد أبو سعد
نائب المدير العام
المساهمات : 120
تاريخ التسجيل : 12/12/2007
| | موضوع: رد: قصيده في عتيبه الهيلا من الحبابي الأربعاء ديسمبر 12, 2007 11:51 am | |
| تسلم على الشعرصح لسانك والله الشعر جاااااااااااااااااااااااااااااااااااااااامد  مشكووووووووووووور | |
|
بو دحدح
مراقب
المساهمات : 13
تاريخ التسجيل : 12/12/2007
| | موضوع: رد: قصيده في عتيبه الهيلا من الحبابي الأربعاء ديسمبر 12, 2007 12:37 pm | |
| | |
|
مبدع
مشرف
المساهمات : 21
تاريخ التسجيل : 14/12/2007
| | موضوع: رد: قصيده في عتيبه الهيلا من الحبابي السبت ديسمبر 29, 2007 9:30 am | |
| | |
|
عنآدي سمآ
عضو جديدد
المساهمات : 11
تاريخ التسجيل : 10/01/2008
| | موضوع: رد: قصيده في عتيبه الهيلا من الحبابي الخميس يناير 10, 2008 11:48 pm | |
| | |
|
ابوعتب
مشرف
المساهمات : 19
تاريخ التسجيل : 10/01/2008
| | موضوع: رد: قصيده في عتيبه الهيلا من الحبابي الإثنين يناير 14, 2008 6:15 am | |
| | |
|
